什麼是makeup base?

makeup base隔離霜主要作用係隔開皮膚同化妝品，免受化妝品對皮膚o既傷害。此外，隔離霜亦有修飾皮膚o既作用，用後膚色會更均勻，搽粉底會更貼服，有o的亦會有遮毛孔、控油、保濕等作用。

有o的牌子o既makeup base更有調色o既作用，一般有綠、紫、粉紅、白等顏色。綠色makeup base適合泛紅o既皮膚，紫色適合面黃同暗啞o既皮膚，粉紅色適合蒼白o既皮膚，而白色就有美白o既作用。

makeup base & liquid foudation ?

makeup base係搽粉底前用，用黎隔開皮膚同化妝品，免受化妝品o既對皮膚o既傷害，亦都可以令個妝貼o的。有o的makeup base仲有遮瑕、遮毛孔、調色、控油、保濕等作用。搽makeup base o既時候，只要當係lotion咁打圈搽晒全面就得喇。

liquid foundation可以令膚色均勻，遮瑕等。遮瑕力較makeup base強。搽foundation o既時候，可以用手指或海棉沾少少foundation，逐少逐少咁搽晒全面，然後再上碎粉就完成。

如果你o既皮膚本身唔差，想遮o既暗瘡印又好淺色o既話，可以搽base再加碎粉。但係如果你遮o既瑕疵較深色，就要用foundation，甚至遮瑕膏喇。